აშშ-ის სახელმწიფო მდივანმა ჰილარი კლინტონმა კოსოვოს დამოუკიდებლობის შესახებ საერთაშორისო სასამართლოს გადაწყვეტილებას მხარი დაუჭირა.
"საერთაშორისო სასამართლო გადაჭრილად დაეთანხმა აშშ-ის აზრს იმის შესახებ, რომ კოსოვოს დამოუკიდებლობის გამოცხადება საერთაშორისო ნორმებს შეესაბამება. მოვუწოდებთ ქვეყნებს, რომელებსაც ეს ჯერ კიდევ არ გაუკეთებიათ, აღიარონ კოსოვო", _ აღნიშნულია კლინტონის განცხადებაში.
მისი აზრით, კოსოვო დამოუკიდებელი ქვეყანაა და მისი ტერიტორია განუყოფელია. "სერბეთი და კოსოვო აშშ-ის მეგობრები და პარტნიორები არიან. ახლა მათთვის მოვიდა დრო თავი დაანებონ უთანხმოებას და წინ წაიწიონ. იმუშაონ ერთად პრაქტიკული საკითხების გადასაწყვეტად და გააუმჯობესონ კოსოვოს, სერებთისა და მთელი რეგიონის ხალხების ცხოვრება", _ განაცხადა კლინტონმა.