საქართველოს მთავრობა მოლდოვას ჰუმანიტარულ დახმარებას უგზავნის. სპეციალურ ტექნიკას სპორტისა და ახალგაზრდულ საქმეთა მინისტრის მოადგილე მოლდოვაში პირადად ჩაიტანს.
მოლდოვაშივე დაპროექტდება ის საცხოვრებელი სახლები, რომლებსაც საქართველოს მთავრობა წყალდიდობით დაზარალებულ მოსახლეობას აუშენებს. ასევე, ყველაზე მეტად დაზარალებული ოჯახებიდან შეირჩევა 170 ბავშვი, რომლებიც საქართველოს პრეზიდენტის მიხეილ სააკაშვილის ინიციატივით, ანაკლიაში, პატრიოტულ ბანაკში დაასვენებენ.
"ჩვენ მათ 10 დღის განმავლობაში ვუმასპინძლებთ, რათა დაისვენონ და სტრესი ნაწილობრივ მაინც მოეხსნათ", - აღნიშნა სპორტისა და ახალგაზრდობის საქმეთა მინისტრმა, ლადო ვარძელაშვილმა.
შეგახსენებთ, მოლოდოვასთვის ჰუმანიტარული დახმარების აღმოჩენის დავალება საქართველოს პრეზიდენტმა მიხეილ სააკაშვილმა მთავრობის წარმომადგენლებს პირადად მისცა.
