მუცოს ხეობაში მომხდარი ავარიის შედეგად შვიდი ადამიანი დაიღუპა.
მაშველები ავტოავარიის შედეგად ხევში გადავარდნილი ბავშვის ძებნას განაგრძობენ.
შემთხვევა გუშინ მოხდა. ჯიპის მარკის ავტომანქანა, რომელშიც 10 ადამიანი, მათ შორის ორი ჩვილი ბავშვი იმყოფებოდა, მოცურდა და ხევში გადავარდა.
სამართალდამცავთა განცხადებით, ავტომანქანა გადაჭარბებული სიჩქარით მოძრაობდა, რის გამოც მძღოლმა საჭის დამორჩილება ვერ შესძლო.
გადარჩენილია შატილის თემის საკრებულოს დეპუტატი გელა დაიაური, რომლის მეუღლე და ორი მცირეწლოვანი ბავშვი დაიღუპნენ.
ერთი ბავშვის ცხედარი ნაპოვნია, მაშველები მეორე ბავშვის ძებნას განაგრძობენ.
სხვა გარდაცვლილების ცხედრები ნაპოვნი და ამოცნობილია.
ექიმების განმარტებით, გადარჩენილი სამი ადამიანის მდგომარეობა სტაბილურად მძიმეა, მათ სიცოცხლეს საფრთხე არ ემუქრება.
