„სამედიცინო ექსპერტიზის შესაძლებლობაა დაადგინოს, თუ რა პოზაში იმყოფებოდა მაჩალიკაშვილი დაზიანების მიღების მომენტში, თუ რა თქმა უნდა, შემთხვევის ადგილი შეცვლილი არ დაგხვდება. თუ გასუფთავებული, ან აღებული არ არის ყველაფერი, შემთხვევის ადგილი პოზის დადგენაში დაგვეხმარება“, - განუცხადა „ჯი-ეიჩ-ენს“ დამოუკიდებელმა ექსპერტმა, მაია ნოკოლეიშვილმა.
ის სპეცოპერაციისას დაჭრილი 19 წლის თემირლან მაჩალიკაშვილის საქმეს მისი ოჯახის მოთხოვნით შეისწავლის. მთავარ კითხვაზე, ესროლეს თუ არა მაჩალიკაშვილს საწოლში მძნარეს დ დამიზნებით, ნიკოლეიშვილი შეეცდება თავის დასკვნაში გასცეს პასუხი.
„გუშინ საღამოს გავაფორმე ხელშეკრულება, შესაბამისად ჯერ არანაირი მოქმედება არ განგვიხორციელებია. სამედიცინო დოკუმენტებზე ვიქნებით აქცენტირებული, შემდეგ შემთხვევის ადგილზე. ადგილზე ჩასვლის საკითხს დღეს გადავწყვეტთ“, - აცხადებს ექსპერტი.