„საზოგადოებრივი მაუწყებლის“ გენერალურმა დირექტორმა ვასილ მაღლაფერიძემ განაცხადა, რომპოეტ ზვიად რატიანთან დაკავშირებით გასული სიუჟეტი მისთვის არ არის მისაღები იმ ფორმით, რა ფორმითაც ეს მოხდა, თუმცა აღნიშნავს, რომ „საზოგადოებრივი მაუწყებელი“ არ ყოფილა ერთადერთი ტელევიზია, ვინც პოეტ ზვიად რატიანის საკითხი გააშუქა. მისივე თქმით, სრულად იღებს პასუხისმგებლობას პროცესებზე, რაც „საზოგადოებრივ მაუწყებელში“ ხდება.
„ცხადია, არც ერთ ადამიანს ეს აჟიოტაჟი არ მოეწონა. მე სრულად ვიღებ პასუხისმგებლობას, რაც შიგნით მიდის პროცესები, ამავე დროს ჩემი დამოკიდებულება მაქვს ამ სიუჟეტზე. ეს არ არის დადებითი. სიამოვნებით შევუშვერ თავს იმ პირველ ქვას, მათ შორის რომელსაც ტელევიზიები მესვრიან. ეს სიუჟეტი გაუშვა ყველა არხმა და არასწორია, რომ მხოლოდ ჩვენ გავუშვით და ისიც პირველმა. ყველაფერს ვიზამ, რომ საზოგადოებამ სიმართლე იცოდეს“, - განაცხადა ვასილ მაღლაფერიძემ.
რაც შეეხება „ახალგაზრდა იურისტთა ასოციაციის“ თავმჯდომარე და ბორდის წევრ სულხან სალაძის კითხვაზე, თუ როგორ გაუშვა ყველა არხმა აღნიშნული ინფორმაცია მაშინ, როდესაც 18.00 საათიან საინფორმაციო გამოშვებაში ნათქვამი იყო, რომ ზვიად რატიანის დაკავების ვიდეოკადრები „საზოგადოებრივმა მაუწყებელმა“ გამოითხოვა შს სამინისტროსგან, მაღლაფერიძემ აღნიშნა, რომ გამოთხოვილი მასალიდან ,,მხოლოდ ნაწილი გაუშვა მაუწყებელმა და ისიც მასალაზე დადებული სიგნალით. თუმცა აღნიშნული გავიდა ასევე 15 ტელევიზიაში“.
საზოგადოებრივი მაუწყებლის“ ბორდის სხდომაზე მაუწყებლის 2018 წლის ბიუჯეტს განიხილავენ.
