სამაუწყებლო კომპანია "რუსთავი 2"-ის გენერალური დირექტორი ნიკა გვარამია პირველი არხის ჟურნალისტის, ქეთევან ქარდავას მიერ გავრცელებულ ინფორმაციას ეხმაურება, რომლის თანახმადაც, საზოგადოებრივი მაუწყებელი ევროპის ბიუროს ხურავს.
როგორც გვარამია Facebook-ის პირად გვერდზე წერს, საზოგადოებრივ მაუწყებელს "რუსთავი 2"-ზე 12 მილიონით მეტი დაფინანსება აქვს.
"საზოგადოებრივი მაუწყებლის ევროპის ბიურო იხურება და მიზეზად ხელმძღვანელობა ფინანსებს ასახელებსო.
52 მილიონი აქვს ბიუჯეტი ამ 3%-იან საშინელებას, "რუსთავი 2"-ზეზე 12 მილიონით მეტი. და ჩვენ გვაქვს ბრიუსელის ბიურო და ესენი ხურავენ ფინანსების გამო.
ევროპის ბიუროს ხურავს, ევროინტეგრაციის ფაზაში მყოფი ქვეყნის საზოგადოებრივი მაუწყებელი!", - წერს გვარამია.