ახალ წელს ნამდვილად კიევში შევხვდები, - ასე გამოეხმაურა საქართველოს ყოფილი პრეზიდენტი მიხეილ სააკაშვილი კიევის საოლქო ადმინისტრაციული სასამართლოს გადაწყვეტილებას, რომელმაც სააკაშვილისთვის „დაცვით მოსარგებლე პირის“ სტატუსი ჩამორთმევაზე უარი განაცხადა.
ამის შესახებ სააკაშვილი Facebook-ის პირად გვერდზე წერს.
„დღეს უკრაინის პრეზიდენტის ადმინისტრაციის მითითებით, საოლქო ადმინისტრაციულ სასამართლოს ჩემთვის „დაცვით მოსარგებლე პირის“ სტატუსი უნდა ჩამოერთვა, რათა ახალ წლამდე ჩემი ექსტრადირება მოესწროთ. სასამართლომ გადაწყვეტილების მიღებაზე უარი განაცხადა და სხდომა სულ მცირე 3 იანვრამდე გადადო. შესაბამისად, ახალ წელს ნამდვილად კიევში შევხვდები“, - წერს სააკაშვილი.
