2010 წლის ექვს თვეში აჭარის სურსათის უვნებლობის სამსახურმა სასურსათო პროდუქციის 170 ნიმუში შეამოწმა.
როგორც სააგენტო "ჯი-ეიჩ-ენს" აჭარის სურსათის უვნებლობის სამსახურიდან აცნობეს, რეგიონის მაშტაბით 146 ნიმუშის შეძენა ბათუმში, 18 ნიმუშის შეძენა ქობულეთის მუნიციპალიტეტში, 6 ნიმუშის შეძენა ხელვაჩაურის მუნიციპალიტეტში მოხდა.
შესყიდული ნიმუშები სსიპი აჭარის ავტონომიური რესპუბლიკის სოფლის მეურნეობის სამინისტროს ლაბორატორიაში ორგანოლეპტიკური, ქიმიური და ბაქტერიოლოგიური გამოკვლევისათვის გადაიგზავნა.
ლაბორატორიული კვლევის შედეგად სურსათის სარეალიზაციო ობიექტების ხემძღვანელებს, შპს ,,ბათუმის წყალი''-ს დირექციას, მუნიციპალიტეტების გამგეობებსა და საკრებულოებს გაეგზავნათ მიწერილობები სასურსათო პროდუქციისა და სასმელი წყლის ლაბორატორიული კვლევის შედეგად აღმოჩენილი დარღვევების გამოსასწორებლად გასატარებელი ღონისძიებების შესახებ.
2010 წლის იანვარ-ივნისში ,,სასურსათო პროდუქციისა და სასმელი წყლის ხარისხის კონტროლის მიზნით ლაბორატორიული კვლევა'' პროგრამის ფარგლებში აღებული იქნა სასმელი წყლის 220 სინჯი აქედან ბათუმში - 159 სინჯი, ქობულეთის მუნიციპალიტეტში - 19 სინჯი, ხელვაჩაურის მუნიციპალიტეტში - 23 სინჯი, ქედის მუნიციპალიტეტში - 11 სინჯი, შუახევის მუნიციპალიტეტში - 3 სინჯი, ხულოს მუნიციპალიტეტში - 5 სინჯი. სინჯები გადაიგზავნა სსიპი აჭარის ავტონომიური რესპუბლიკის სოფლის მეურნეობის სამინისტროს ლაბორატორიაში ორგანოლეპტიკური, ქიმიური და ბაქტერიოლოგიური გამოკვლევისათვი.
აჭარის სოფლის მეურნეობის სამინისტრომ 2010 წლის 11 იანვარს ,,სასურსათო პროდუქციისა და სასმელი წყლის ხარისხის კონტროლის მიზნით ლაბორატორიული კვლევა'' მომსახურების სახელმწიფო შესყიდვაზე გამოცხადდა ტენდერი, რომელიც გაიმართა 1 თებერვალს. ტენდერში მონაწილეობდა 2 ორგანიზაცია შპს ,,სპექტრი'' და აჭარის ავტონომიური რესპუბლიკის სოფლის მეურნეობის სამინისტროს ლაბორატორია. Oორივე პრეტენდენტის სატენდერო წინადადება იქნა დისკვალიფიცირებული, ვინაიდან სრულყოფილად ვერ აკმაყოფილებდნენ სატენდერო მოთხოვნებს.
განმეორებით ტენდერი გამოცხადდა 5 თებერვალს. ტენდერში მონაწილეობდა ერთი ორგანიზაცია სსიპ აჭარის ავტონომიური რესპუბლიკის სოფლის მეურნეობის სამინისტროს ლაბორატორია. რომლის სატენდერო წინადადება აკმაყოფილებდა საკვალიფიკაციო მოთხოვნებს, რის გამოც ის მოწვეული იქნა ზეპირ ვაჭრობაზე, რომელიც გაიმართა 5 მარტს და დაფიქსირებული იქნა პრეტენდენტის მიერ საბოლოო ფასი საერთო თანხით 192 812 ლარი. გამარჯვებულთან სახელმწიფო შესყიდვების შესახებ ხელშეკრულება გაფორმდა 2010 წლის 2 მარტს.
პროგრამის ფარგლებში გათვალისწინებულია 600 სასმელი წყლის სინჯის აღება და 500 სასურსათო პროდუქციის ნიმუშის შესყიდვა ორგანოლეპტიკური, ქიმიური და ბაქტერიოლოგიური გამოკვლევისათვის.
