დღეს, 22 ივლისს, 12:00 საათზე, ინტელექტუალური საკუთრების ეროვნულ ცენტრ "საქპატენტში" საავტორო უფლებების დაცვის თემაზე სამუშაო შეხვედრა გაიმართება. შეხვედრას საქპატენტის, ავტორთა საზოგადოების წარმომადგენლები და საავტორო უფლებების დაცვის საკითხებით დაინტერესებული პირები დაესწრებიან.
საავტორო უფლებების დაცვის კუთხით საქართველოს მსოფლიო რეიტინგებში საკმაოდ დაბალი მაჩვენებელი აქვს. იქიდან გამომდინარე, რომ საქპატენტი საავტორო უფლებების დაცვის საკითხში სახელმწიფო პოლიტიკას განსაზღვრავს, ინტელექტუალური საკუთრების ეროვნული ცენტრი დაინტერესებულ სტრუქტურებთან და კერძო პირებთან ერთად ახალ სამოქმედო გეგმაზე მუშაობს. ახალი სამოქმედო გეგმის საბოლოო ვარიანტი მზად სექტემბრისთვის იქნება.
სფეროში არსებული პრობლემების აღმოსაფხვრელად მიმდინარეობს კონსულტაციები საერთაშორისო ორგანიზაციებთან და უცხოელ ექსპერტებთან.
