საქართველოს პრეზიდენტ მიხეილ სააკაშვილის განცხადებით, საქართველო დამპყრობლისგან დამოუკიდებელ სახელმწიფოდ ახლა ყალიბდება. მისი თქმით, გამომდინარე იქიდან, რომ საქართველომ რუსეთის ბაზარი დაკარგა, მთავრობას მოუწევს მუშაობა იმისათვის, რომ სოფლის მეურნეობის პროდუქციის გასაღების ახალი საშუალებები მოძებნოს. პრეზიდენტის განმარტებით, ქვეყანა მსოფლიო ბაზარზე საკუთარ ნიშას უნდა დაუბრუნდეს. ამის შესახებ სააკაშვილმა სოფლის მეურნეობის სამინისტროში გამართულ შეხვედრაზე ისაუბრა..
მისი განაცხადებით, საქართველო ისე უნდა მოიქცეს, როგორც მის ინტერესებს შეესაბამება და არა ისე, როგორც იმპერიას სურს.
"უნდა გადავეწყოთ იმაზე, რაც ჩვენს ინტერესებშია და არა ყოფილი იმპერიის ინტერესებში, მით უმეტეს, რომ ბაზარზედაც აღარ გვიშვებს. ამიტომ რაც აქ ხდება, ფაქტობრივად, არის დეკოლონიზაცია, რადგან ვუბრუნდებით ჩვენს ნიშას მსოფლიო ბაზარზე, ყველა მიმართულებით უნდა ვიპოვოთ ახლი ბაზარი და წავიდეთ სხვა მიმართულებით", - განაცხადა პრეზიდენტმა
