საარჩევნო კოდექსზე მომუშავე ჯგუფი მუშაობას სექტემბერში განაახლებს. ამის შესახებ განცხადება პარლამენტის თავმჯდომარემ დავით ბაქრაძემ დღეს პარლამენტში NDI-ს ხელმძღვანელთან ლუის ნავაროსთან გამართული შეხვედრის შემდეგ გააკეთა.
როგორც ბაქრაძემ აღნიშნა, NDI-ს ფორმატით პოლიტიკური პარტიებისგან შემდგარი ჯგუფი ადგილობრივი თვითმმართველობის არჩენებისთვსიაც მუშაობდა და ამ მუშაობამ საკმაოდ კარგი რეზულტატი აჩვენა, თუმცა როგორც ბაქრაძე აცხადებს, მუშაობის გაგრძელება აუცილებელია, რათა საარჩევნო კანონმდებლობა დაიხვეწოს მომავალი არჩევნებისათვის.
მისი თქმით, სწორედ ამ საკითხებზე ისაუბრა მან ლუის ნავაროსთან შეხვედრისას და აცხადებს, რომ ამ შეხვედრაზე ჯგუფის მუშაობის სექტემბრიდან განახლების საკითხი გადაწყდა. ჯგუფი ისევ NDI-ს ფორმატით იმუშავებს და ყველა ოპოზიციურ ძალას მოუწოდებს აქტიურად ჩაერთონ აღნიშნული ჯგუფის მუშაობაში.
ბაქრაძის თქმით, ჯგუფის ფორმატი უკვე სექტემბერში გაიკრვევა უშუალოდ მას შემდეგ, რაც პოლიტიკური პარტიები საკუთარ პოზიციებს დააფიქსირებენ. მისი თქმით, ჯგუფი მუშაობას დაიწყებს სექტემბრიდან, იმუშავებს წლის ბოლმდე და 2011 წლის განმავლობაში და იმედოვნებს, რომ 2011 წლისთვის საარჩევნო კანონმდებლობაში სათანადო ცვლილებების გატარება მოხერხდება. ლუის ნავაროც მიესალმება ამ გადაწყვეტილებას და იმედოვნებს, რომ ჯგუფის მუშაობა შედეგიანი იქნება.
ს