წარმოდგენილი კანონპროექტი ამ სახით, აზარალებს ყველა კომერციულ და კერძო ტელევიზიას, - ამის შესახებ პრეზიდენტთან შეხვედრის შემდეგ, “რუსთავი 2” - ის წარმომადგენლმა, თამთა მურადაშვილმა განაცხადა. მისი თქმით, მაუწყებლობის შესახებ კანონპროექტთან დაკავშირებით, პრეზიდენტს არასამთავრობო ორგანიზაციებთან და ტელევიზიის წარმომადგენლებთან შეხვედრაზე მკაფიო პოზიცია არ გამოუხატავს.
,,კანონპროექტი მორგებულია მხოლოდ ”საზოგადოებრივი მაუწყებლის” ვითომ განვითარებაზე. ამ კანონპროექტით ირღვევა კონკურენციის მთავარი პრინციპი, რისი ვალდებულებაც აღებული აქვს საქართველოს. ამ საკითხის განხილვა ხდება მხოლოდ ერთ ჭრილში - ”საზოგადოებრივი მაუწყებლის” ხელშეწყობის ჭრილში და ამის ფონზე ხდება კერძო მაუწყებლების დაჩაგვრა",- განაცხადა მურადაშვილმა.
მისივე თქმით, პრეზიდენტი მზად არის, რომ ის კითხვები, რომელიც დღევანდელ შეხვედრაზე დაფიქსირდა, დასვას ”საზოგადოებრივი მაუწყებლის” წარმომადგენლებთან შეხვედრაზე.
