ეკონომიკისა და მდგრადი განვითარების სამინისტროში განხორციელებული სტრუქტურული რეორგანიზაციის შედეგად რამდენიმე დეპარტამენტის თავმჯდომარის თანამდებობაზე ვაკანსია გაჩნდა. როგორც დღეს ეკონომიკისა და მდგრადი განვითარების მინისტრმა ვერა ქობალიამ საგანგებო ბრიფიბნგზე განაცხადა, ამ თანამდებობებზე დღეიდან გამოცხადდება კონკურსი.
"კონკურსს ვაცხადებთ იურიდიული დეპარტამენტის უფროსის ადმინისტრაციის საფინანსო, სახელმწიფო შესყიდვებისა და ლოჯისტიკის დეპარტამენტის უფროსის სახელმწიფო ქონების მართვის პოლიტიკის დეპარტამენტის უფროსის კავშირგაბმულობის, საინფორმაციო ტექნოლოგიებისა და ინოვაციების დეპარტამენტის საფოსტო კავშირის სამმართველოს უფროსის და პრივატიზების დეპარტამენტის ტერიტორიულ ორგანოებთან ურთიერთობის სამმართველოს უფროსის ვაკანტურ ადგილებზე", _ განაცხადა ქობალიამ.
მისივე თქმით, სამინისტრო წარმართავს პოლიტიკას ნულოვანი ნეპოტიზმით და დღეიდან სამინისტროში აღარ იქნება დანიშვნა ნათესავური კავშირებით.
"ვაკანტურ თანამდენბობებზე მივესალმები მათ ვისაც უნდათ ქვეყნის ეონომიკური განვითარება. რადგან ჩვენ გვაქვს ამოცანა რომ გავაძლიეროთ ქვეყნის ეკონომიკა, ტურიზმი, მცირე ბიზნესი და მოვიზიდოთ დამატებითი ინვესტიციები", - განაცხადა ვერა ქობალიამ.
მისივე განაცხადებით უკვე გამოცხადებულია კონკურსი ტურიზმის დეპარტამენტის თავმჯდომარის ვაკანტურ თანამდებობაზე, რომელზეც აქტივობა უკვე შეინიშნება და პროექტის მენეჯერი და ტურიზმის დეპარტამენტის ახალი თავმჯდომარე 5 აგვისტოსთვის გახდება ცნობილი.
მინისტრის თქმით, სამინისტროში მიმდინარე სტრუქტურული რეორგანიზაცია 1-ლი სექტემერისთვის დასრულდება და 1-ლი სექტემბრისან უკვე სამინისტრო ახალი თანამშრომლებით შეუდგება მუშაობას.
