ამ წუთებში, თბილისის საქალაქო სასამართლოში ირაკლი ფირცხალავას საქმის განხილვა დაიწყო. მას სახელმწიფო ბრალდება მოწმე ირაკლი მამალაძეზე ზემოქმედების მოხდენის ფაქტზე ჩვენების მიცემაზე უარის თქმას ედავება.
"დღევანდელ პროცესზე დაიკითხება ბრალდების ორი მოწმე - სასჯელაღსრულების დეპარტამენტის თანამშრომელი, გიორგი თოიძე და პროკურორი, დავით გუმბერიძე, რომელიც საქმეზე საპროცესო ხელმძღვანელობას ახორციელებდა.
პროკურორი დაადასტურებს იმ ფაქტს, რომ ირაკლი ფირცხალავამ ჩვენება არ მისცა, ხოლო სასჯელაღსრულების თანამშრომელი ისაუბრებს მტკიცებულებების გაცვლასთან დაკავშირებით",- განუცხადა "ჯი-ეიჩ-ენს" საქმის პროკურორმა ლაშა კოტრიკაძემ.