მიხეილ სააკაშვილი ირწმუნება, რომ ეროვნული ანტიკორუფციული ბიუროს ხელმძღვანელობა სურდა, რაზეც პოროშენკომ უარი უთხრა.
ამის შესახებ საქართველოს ყოფილმა პრეზიდენტმა ტელეარხ NewsOne-სთვის მიცემულ ინტერვიუში განაცხადა.
„თავის დროზე მან ორჯერ თუ სამჯერ შემომთავაზა პრემიერ-მინისტრის პოსტი, მაგრამ მე უარი ვუთხარი. არ ვიცი, გულწრფელად შემომთავაზა თუ იაცენუკის გაბრაზება სურდა, მაგრამ მეუბნებოდა, რომ პრემიერად დამნიშნავდა. მას ვკითხე, მექნებოდა თუ არა ნორმალური მინისტრეების დანიშვნის საშუალება, რაზეც მიპასუხა: „არა, უბრალოდ პრემიერი იქნები“. რა თქმა უნდა, ამაში მონაწილეობის მიღება არ მსურდა," - აღნიშნა სააკაშვილმა.
