"ყურძნის დაბინავება ვისწავლეთ, მაგრამ ჯერ ვერ ვისწავლეთ გაყიდვა. არის მთელი რიგი ბრენდები, რომელთაც კარგი დისტრიბუცია აქვთ უცხოეთში, მაგრამ საზიზღარი ღვინო აქვთ", _ ამის შესახებ პრეზიდენტმა კახეთში გამართულ მთავრობის სხდომაზე განაცხადა.
"რამდენჯერე უცხოეთში მიღებაზე მოუტანიათ ეს ღვინო და სირცხვილისგან თავი ვერ ამიწევია. ვიცი, რომ ბევრად უფრო უკეთესი კეთდება აქ, ალაზნის ველზე. ვიღაცა სწრაფად რომ ააწყობს ქსელს, ჰგონია, რომ ქსელი რადგან აქვს, კარგი ხარისხის აღარ უნდა აწარმოს, იმიტომ რომ მაინც ყველაფერი გაუსაღდება", - განაცხადა სააკაშვილმა.
პრეზიდენტი აცხადებს, რომ "ვერ ვისწავლეთ დისტრიბუცია აღმოსავლეთ ევროპის ქვეყნებში".
"ბალტიისპირეთში, ძველ გასტრონომებში, იპოვი ქართულ ღვინოს, მაგრამ თანამედროვე სუპერმარკტებსა და რესტორნებში ვერა, რადგანაც რესტორანში მარკეტინგის გაკეთება, ტესტირება აღარ გამოგვდის. ამაზე სემინარები გვაქვს ჩასატარებელი ეკონომიკის სამინისტროსთან ერთად, ექსპერტები გვყავს ჩამოსაყვანი. ჩვენი პროდუქციის გაყიდვა უნდა ვისწავლოთ. ეს მეღვინების სექტორისთვის დიდი გამოწვევაა", _ განაცხადა სააკაშვილმა.
