საქართველოს პრეზიდენტი მიხეილ სააკაშვილი საქართველოს ეკონომიკურ მდგომარეობაზე საუბრობს. მისი თქმით, საქართველომ ინფლაციის პროცესი უნდა აკონტროლოს. პრეზიდენტის განცხადებით, მთავრობას აქვს გეგმა, რომლის მიხედვითაც, ეკონომიკის ზრდამ 7-8%-ს მიაღწიოს, ამის შემდეგ კი, იმ მაჩვენებლებზე გადავა, რაც ქვეყანას "ევროპულ სინგაპურად" აქცევს. ამის შესახებ საქართველოს პრეზიდენტმა კახეთში გამართულ მთავრობის სხდომაზე განაცხადა.
"წელს არის ეკონომიკის ზრდა 6 - 6,5%, რაც ძალიან კარგია და მომავალ წელს ქართული ეკონომიკა 5-6%-ებს შორის იმოძრავებს. ინფლაცია აუცილებელია კონტროლქვეშ იყოს და თუ ეს არის 6-7%, არ იქნება ძალიან ცუდი, რადგან იყო წლები, როცა გვქონდა 12-13%-იანი ინფლაცა. მომავალ წელს, ჩვენ გვაქვს გათვლა, რომ, შესაძლოა, ეკონომიკის ზრდამ 7-8% მიაღწიოს, რომ დავუბრუნდეთ ჩვენ კრიზისამდე არსებულ მაჩვენებლებს და მერე თანდათან გადავიდეთ იმ მაჩვენებლებლებზე, რომელიც გვაქცევს ევროპულ სინგაპურად - ის, რასაც ჩვენ ვპირდებით ჩვენ ხალხს, რომ ლიბერალურ ეკონომიკურ პირობებში მოვიზიდოთ ინვესტიციები და საქართველო ვაქციოთ სერიოზულ ექსპოერტიორად, დავასაქმოთ ხალხი, გადავლახოთ ის გაჭირვება, რომელიც ბოლო წლებში კრიზისის გამო შეიქმნა. გაჭირვება 2003 წელთან შედარებით 52 % არის შემცირებული, რაც ძალიან მარალი პროცენტია", - განაცხადა სააკაშვილმა.
