საქართველოს პრეზიდენტმა მიხეილ სააკაშვილმა ქუთაისში მაკდონალდსის ახალი შენობა გახსნა.
პრეზიდენტის მაკდონალდსში მეუღლესთან, სანდრა ელისაბედ რულოვსთან ერთად იმყოფებოდა, რომლებმაც ბიზნესმენ თემურ ჭყონიასთან ერთად მზრუნველობა მოკლებულ ბავშვებს უმასპინძლეს.
"ახალგაზრდობა ევროპაში იწყებს მუშაობას სწორად ასეთი ობიექტებით. აქ იწყება შრომის აკადემია", - განაცხადა პრეზიდენტმა და აქვე დასძინა, რომ ქუთაისის მოსახლება სავაჭრო ცენტრების და მსგავსი დაწესებულების გახსნით ცდილობს ევროპის ცხოვრების დონეს დაუახლოვდეს.
"მე იმედი მაქვს, რომ მთელი ქუთაისი ახლა ამ მაკდონალდში ივლის", - აღნიშნა სააკაშვილმა.
ქუთაისში ახალი მაკდონალდსის მშენებლობა 2 მლნ ლარი დაჯდა და მასში ადგილობრივი მოსახლეობაა დასაქმებული.
მაკდონალდსის ახალი შენობის გახსნნის შემდეგ პრეზიდენტმა ქუთაისი ოპერის თეატრი და პარლამენტის მშენებარე შენობა მოინახულა.