ქართული მხარე რუსი ოკუპანტების მიერ დაკავებული ქართველების შესახებ ინფორმაციას არ ფლობს. როგორც "ჯი-ეიჩ-ენს" შსს შიდა ქართლის სამხარეო სამმართველოს უფროსმა ვლადიმერ ჯუღელმა განუცხადა, მათთან არც მოსახლეობის და ოსი სეპარატისტების მხრიდან არავის დაკავების ან დაკარგვის შესახებ ინფორმაცია არ შესულა.
სააგენტო "რესის" ინფორმაციით, კი ე.წ. სამხრეთ ოსეთის ე.წ. საზღვრის უკანონო გადაკვეთის მცდელობის გამო რუსმა ოკუპანტებმა საქართველოს მოქალაქეების დააკავეს.
დაკავებულები არიან ალიკა სამხარაძე იურის ძე, სამხარაძე ბესიკი იურის ძე, კალატოზიშვილის ნიკოლოზ შაქროს ძე, ლაბაძე რამაზ პეტრეს ძე, ლაბაძე იამზე პეტრეს ასული, 1978 ხომასურიძე ნარგიზა არსენის ასული, რომლებიც ცდილობდნენ ავტომობილით ე.წ. სამხრეთ ოსეთიდან ქარელის რაიონში საკონტროლო პუნქტს გვერდის ავლით გადასულიყვნენ.
მათივე ინფორმაციით, ჩატარებული საგამოძიებო ღონისძიებების შემდეგ ქალები - ხომასურიძე ნარგიზა და იამზე ლაბაძე, რომელსაც საზღვრს გადაკვეთისას სამი წლის ბავშვიც ახლდა თან გაუსვლელობის ხელწერილით გაათავისუფლეს. საქართველოს დანარჩენი მოქალაქეები ამჟამად დაკავებულები არიან. მიმდინარეობს გამოძიება. "საქმე გადაიცემა სასამართლოში".
