ერთ წელიწადში ქობულეთში თანამედროვე სტანდარტების მეცხოველეობის ფერმა გაიხსნება, _ ამას ითვალისწინებს აჭარის ფინანსთა და ეკონომიკის სამინისტროს მიერ 2 აგვისტოსთვის დაგეგმილი აუქციონი, სადაც ყოფილი მეცხოველეობის ფერმის გასხვისება იგეგმება. ობიექტის საწყისი ღირებულება 37 ათასი ლარია და მფლობელი ვალდებული იქნება საბოლოო თანხის აუქციონის ჩატარებიდან 30 კალენდარული დღის ვადაში გადაიხადოს.
მფლობელი ვალდებული იქნება ასევე აუქციონის ჩატარებიდან 12 თვის ვადაში თანამედროვე ტიპის მეცხოველეობის ფერმა შექმნას, სადაც არანაკლებ 100 რქოსანი პირუტყვი უნდა ყავდეს, რისთვისაც მინიმუმ 150 000 ლარის ინვესტიცია უნდა განახორციელოს.
