აზერბაიჯანული კომპანია ბათუმში უმაღლესი კლასის სასტუმროს ააშენებს, ამის შესახებ განცხადება საქართველოს პრეზიდენტმა მიხეილ სააკაშვილმა აზერბაიჯანის პრეზიდენტის ილჰამ ალიევის ბათუმში ვიზიტისას გააკეთა.
საქართველოს პრეზიდენტის განცხადებით აზერბაიჯანული კომპანია თანამედროვე ტიპის სასტუმროს ბათუმის ცენტრში ააშენებს. ასეთი ტიპის მშენებლობები კი, პრეზიდენტის განცხადებით, სამუშაო ადგილების რაოდენობას გაზრდის და საქართველოს ეკონომიკაშიც შემოსავლები გაიზრდება.
პრეზიდენტმა ხაზგასმით აღნიშნა ისიც, რომ აჭარაში ბოლო პერიოდში აზერბაიჯანელი ტურისტების რაოდენობა იზრდება.
