ამერიკის სახელმწიფო დეპარტამენტი საკუთარ მოქალაქეებს სადღესასწაულო პერიოდში ევროპაში მოსალოდნელი ტერაქტების შესახებ აფრთხილებს. „ამერიკის მოქალაქეებმა სიფრთხილე უნდა გამოიჩინონ ევროპის ქვეყნებში სადღესასწაულო ფესტივალებზე ან სხვა ღონისძიებებზე ყოფნისას. ახლახანს მომხდარი ინციდენტები საფრანგეთში, რუსეთში, შვედეთში, დიდ ბრიტანეთში, ესპანეთში და ფინეთში ცხადყოფენ, რომ „ისლამურ სახელმწიფოს“ და „ალ-ქაიდას“, ასევე მათ თანამზრახველებს შეუძლიათ ევროპაში ტერაქტების დაგეგმვა და განხორციელება,“ - ნათქვამია ტილერსონის უწყების განცხადებაში.
