თურქეთის პრეზიდენტმა ევროპა მუსლიმური სამოსის აკრძალვისთვის გააკრიტიკა. საგანგებო განცხადება რეჯეფ თაიფ ერდოღანმა ანკარაში ქალ მეწარმეებთან შეხვედრისას გააკეთა. „ყველაზე დიდ მსხვერპლს ევროპაში მუსლიმი ქალები იღებენ. ჰიჯაბების ტარებას მათ ევროპის ბევრ ქვეყანაში უკრძალავენ. ამით ხელს უშლიან საზოგადოებრივ ცხოვრებაში მუსლიმი ქალების ჩართვას. ისინი ამით ადამიანის უფლებებს არღვევენ, მაშინ, როცა ჩვენ დემოკრატიას გვასწავლიან,“-აღნიშნა ერდოღანმა.
