შეერთებულ შტატებში სექსუალური სკანდალის ჰოლივუდს გასცდა და პოლიტელიტასაც შეეხო. ბოლო დროის ტენდენციად ქცეული ბრალდება რესპუბლიკელი სენატორობის კანდიდატის, როი მურის მისამართითაც გაისმა. 70 წლის როი მური ალაბამის შტატის მოსამართლედ მუშაობდა, მანამდე კი 32 წლის განმავლობაში პროკურორის თანამდებობა ეკავა. ბრალდების მხარის მტკიცებით, ყოფილი პროკურორი სექსუალურ ზეწოლას წარსულში 14 წლის გოგონას მიმართ შეეცადა, როცა არასრულწლოვანი სასამართლო დარბაზში მყოფ დედას ელოდებოდა. მური ბრალდებას კატეგორიულად უარყოფს.
