აფხაზეთის თვითგამოცხადებული რესპუბლიკის პრეზიდენტმა სირიის პრეზიდენტისგან სამადლობელი წერილი მიიღო. ასადმა რაულ ხაჯიმბას წერილი მას შემდეგ გაუგზავნა, რაც დეფაქტო რესპუბლიკის ლიდერმა სირიის პრეზიდენტს დაბადების დღე მიულოცა. ხაჯიმბამ ასადისგან წერილი 2 თვის წინაც მიიღო. თვითგამოცხადებული რესპუბლიკის ლიდერისადმი გაგზავნილ წერილში ასადმა ხაჯიმბას „აფხაზეთის რესპუბლიკის პრეზიდენტი“ უწოდა. რადიო "თავისუფლების" სოხუმელი კორესპონდენტის კითხვაზე, შეიძლება თუ არა ხაჯიმბა-ასადის მიმოწერა სირიის მიერ აფხაზეთის დამოუკიდებლობის აღიარების პროცესის დასაწყისად იქნას მიჩნეული, დეფაქტო ლიდერი აცხადებს, რომ აღიარების პროცესი რთული და ხანგრძლივი იქნება.
