პირადად მე და იუსტიციის სამინისტროს მიხეილ სააკშვილის ექსტრადირებასთან დაკავშირებით ბოლო დღეების განმავლობაში უკრაინაში, ჩვენს კოლეგებთან დიალოგი აღარ გვქონია, - ამის შესახებ საქართველოს იუსტიციის მინისტრმა ჟურნალისტებს განუცხადა.
თეა წულუკიანის თქმით, რა დოკუმენტაციაც არის უკრაინაში გაგზავნილი, ქმნის მყარ საფუძველს, რომ სურვილის შემთხვევაში, ექსტრადიციის მოთხოვნა დაკმაყოფილდეს.
,,2014 წლიდან ჯერ პროკურატურის, ხოლო შემდეგ იუსტიციის სამინისტროების დონეზე რამდენიმე თვის წინ გვქონდა დიალოგი. ყველანაირი დოკუმენტაცია და მოთხოვნები არის გადაგზავნილი. როგორც იცით, 2014-2015 წლებში უარი შემოვიდა ჩვენს მოთხოვნებზე. ბოლოს მოთხოვნილ იქნა კიდევ ერთხელ დადასტურება იმისა, რომ კვლავ ძალაში იყო ჩვენი ექსტრადიციის მოთხოვნა, რაც რამდენიმე ხნის წინ გაკეთდა, მაგრამ ამ დღეეებში რაიმე სიახლე არ ყოფილა. ჩვენს მოთხოვნას როგორ განიხილავს უკრაინული მხარე, რა ვადებში და რა მეთოდით, ეს არის მთლიანად უკრაინული სახელმწიფოს კომპეტენცია“, - განაცხადა მინისტრმა.
