"ნუცუბიძეზე მომხდარ ფაქტთან დაკავშირებით დასამალი არაფერია", - ამის შესახებ პარლამენტის ვიცე-სპიკერმა, თამარ ჩუგოშვილმა განაცხადა.
მისივე თქმით, შინაგან საქმეთა მინისტრის პარლამენტში მისვლა კარგი შესაძლებლობა იქნება, რათა ყველა დასმულ შეკითხვას პასუხი გაეცეს.
"კონკრეტულად რა მოხდა, ამას გამოძიება დაადგენს. რაც შეეხება მინისტრის მოსვლას პარლამენტში, მგონია, რომ ზოგადად რაც უფრო ხშირად იქნებიან მინისტრები წარმოდგენილები პარლამენტში, მით უკეთესია თავად სამინისტროებისთვისაც და პარლამენტისთვისაც. ვფიქრობ, რომ პარლამენტი არის ძალიან კარგი პლატფორმა, რომ პასუხები გაეცეს სხვადასხვა საკითხებს, რაზეც შესაძლებელია კითხვები არსებობდეს. მით უმეტეს ამ საქმესთან დაკავშირებით, არავის არაფერი დასამალი არ აქვს. შესაბამისად ეს კარგი შესაძლებლობა იქნებოდა სამინისტროსთვისაც", - განაცხადა თამარ ჩუგოშვილმა.
