"პარლამენტი მთავრობასთან ურთიერთობს და ეს არის ნორმალური სამუშაო რეჟიმი", - ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.
მისივე განმარტებით, ამ ეტაპზე შს მინისტრის პარლამენტში მისვლის აუცილებლობას ვერ ხედავს.
"ამასთან დაკავშირებით კომენტარები გააკეთეს პროკურატურამ, პარლამენტის თავმჯდომარემ. გამოძიება დაწყებულია და დაველოდოთ გამოძიების შედეგებს. ჩვენ მუდმივად გვაქვს ურთიერთობა შინაგან საქმეთა სამინისტროსთან და მინისტრთან რეფორმებთან დაკავშირებით. წლის განმავლობაში არაერთი შეხვედრა შედგა. პარლამენტი მთავრობასთან ურთიერთობს და ეს არის ნორმალური სამუშაო რეჟიმი",- განაცხადა არჩილ თალაკვაძემ.
შეგახსენებთ, ნუცუბიძის ფერდობზე მომხდარ ინციდენტთან დაკავშირებით ოპოზიცია პარლამენტში შინაგან საქმეთა მინისტრის, გიორგი მღებრიშვილის მისვლას ითხოვს.
