კიევში ტერაქტის შედეგად დაჭრილი დეპუტატის, იგორ მოსიიჩუკის მდგომარეობა სტაბილურია, თუმცა ექიმები მისი სხეულიდან ბომბის რამდენიმე ნამსხვრევის ამოღებას ვერ ახერხებენ. უკრაინული მედიის ინფორმაციით, დეპუტატს ნამსხვრევები ხელსა და თავის არეში აქვს ჩარჩენილი. როგორც დაჭრილი მოსიიჩუკი აცხადებს, აუტანელი ტკივილების მიუხედავად, მისი მდგომარეობა საგრძნობლად გაუმჯობესდა. თავდასხმა დეპუტატზე კიევის ცენტრში 25 ოქტომბრის საღამოს განხორციელდა.
