ესპანეთის სენატი დღეს მთავრობის მიერ კატალონიის კრიზისის გადასაჭრელად შეთავაზებულ ზომებს განიხილავს. მანამდე ქვეყნის პრემიერ-მინისტრმა მარიანო რახოიმ განაცხადა, რომ ესპანეთის კონსტიტუციის 155-ე მუხლის ამოქმედებას იწყებს, რომლითაც კატალონიას ავტონომიის სტატუსი უნდა შეეზღუდოს. მადრიდის ზეწოლის საპასუხოდ, კატალონიის ჟენერალიტეტი პარლამენტის დათხოვნას და ვადამდელი არჩევნების ჩატარებას გეგმავდა, თუმცა გუშინ კატალონიის მთავრობის მეთაურმა კარლეს პუჩდემონმა განაცხადა, რომ ვადამდელი არჩევნების ჩატარების საკითხი აღარ განიხილება.
