წალენჯიხის რაიონის სოფელ მუჟავაში 19 წლის სამხედრო მოსამსახურის გარდაცვალების საქმეზე ჯარისკაცები დაიკითხნენ.
შინაგან საქმეთა მინისტრის მოადგილის, მერაბ მალანიას განცხადებით, გამოძიება აუცილებლად გასცემს პასუხს ყველა შეკითხვაზე.
„შინაგან საქმეთა სამინისტრო გაიღებს დაკრძალვის ხარჯებს, ჩვენ ყველანაირად დავუდგებით გვერდით ოჯახს. რაც შეეხება იმას, თუ რა მოხდა, ვერსიები შეიძლება ბევრი იყოს. გამოძიება მიმდინარეობს და ის გასცემს პასუხს ყველა კითხვაზე. ინციდენტის მონაწილე ყველა პირი დაკითხულია. არავინ არსად არ გაქცეულა“, - აღნიშნა მინისტრის მოადგილემ.
შეგახსენებთ, 26 ოქტომბერს, წალენჯიხის რაიონის სოფელ მუჟავაში, აფხაზეთის ე.წ. საზღვართან იარაღის გასროლის შედეგად 19 წლის ჯარისკაცი გარდაიცვალა.
ამჟამინდელი ინფორმაციით, ის თანმხლები პირის ტყვიამ იმსხვერპლა.
გარდაცვლილი ჯარისკაცი წუხელ აბაშაში, საკუთარ სახლში გადაასვენეს.
მომხდარზე გამოძიება სსკ-ის 116-ე მუხლით მიმდინარეობს.