ტვიტერი რუსული მედიასაშუალებების, „ რაშა თუდეისა“ და „სპუტნიკის“ ყველა სარეკლამო განცხადებას დაბლოკავს. ამის შესახებ სოციალური ქსელის ადმინისტრაცია იტყობინება. განცხადებაში აღნიშნულია, რომ „ რაშა თუდეისა“ და „სპუტნიკის“ პროფილებიდან ნებისმიერი რეკლამა დაიბლოკება. გადაწყვეტილება ძალაში უკვე შევიდა.
სოციალური ქსელის ხელმძღვანელებმა ეს გადაწყვეტილება ამერიკის შეერთებული შტატების 2016 წლის საპრეზიდენტო არჩევნებში რუსეთის შესაძლო ჩარევის გამო მიიღეს. დაზვერვის ინფორმაციაზე დაყრდნობით, „ტვიტერში“ განაცხადეს, რომ „რაშა თუდეი" და "სპუტნიკი „ რუსეთის მთავრობის დავალებით არჩევნებში ჩარევას ცდილობდნენ.
