აშშ სახელმწიფო მდივანი აცხადებს, რომ სირიის პრეზიდენტ ბაშარ ასადსა და მის ოჯახს სირიის მომავალში არანაირი როლი არ ექნებათ. ტილერსონმა ეს განცხადება ჟენევაში, გაეროს წარმომადგენელთან სირიაში სტეფან დე მისტურასთან შეხვედრის შემდეგ გააკეთა. სახელმწიფო მდივნის თქმით, ასადის მმართველობა დასასრულს უახლოვდება. ჟენევაში ვიზიტით ტილერსონმა აზიური ტურნე დაასრულა, რომლის ფარგლებშიც ერაყსა და ავღანეთშიც იმყოფებოდა.
