ჯორჯ ბუში უფროსი სექსუალურ სკანდალში გაეხვა. ამერიკის ყოფილი პრეზიდენტი სექსუალურ შევიწროვებაში უკვე მეორე ქალბატონმა დაადანაშაულა. ამჯერად მას ბრალდება მსახიობმა ჯორდანა გროლნიკმა წაუყენა. მანამდე ბუში შექსუალურ შევიწროვებაში მსახიობმა ჰიზერ ლინდმა ამხილა. მან განაცხადა, რომ ექსპრეზიდენტი ჯერ უხამსად ეხუმრა, შემდეგ კი უკნიდან ხელით უხერხულ ადგილზე შეეხო. ექსპრეზიდენტის წარმომადგენლებმა ბრალდებებთან დაკავშირებით განმარტება უკვე გააკეთეს. „პრეზიდენტ ბუშს არასდროს, არანაირ გარემოებაში არ უცდია ვინმესთვის ზიანის მიყენება. ის გულწრფელად წუხს, თუ თავისი ხუმრობით ქალბატონ ლინდს შეურაცხყოფა მიაყენა,“-ნათქვამია განცხადებაში.
