ტაილანდის დედაქალაქში ყოფილი მონარქის, პხუმიპონ ადულიადეტის კრემაციის ცერემონია დაიწყო. მეფის ბალზამირებულ ცხედარს კრემაციას სამეფო კრემატორიუმში ჩაუტარებენ. კრემატორიუმამდე მონარქის ცხედარი ბანკოკის ქუჩებში გამოსულმა ათობით ათასმა ადამიანმა მიაცილა. დაკრძალვის ცერემონია 5 დღეს გასტანს. მეფე პხუმიპონი გასული წლის 13 ოქტომბერს, 88 წლის ასაკში გარდაიცვალა. მას ერთი წელი გლოვობდნენ.
