ოდესის ყოფილ გუბერატორს, მიხეილ სააკაშვილს უკრაინის მოქალაქეობის ჩამორთმევის დამადასტურებელი დოკუმენტები გადაეცა. ამის შესახებ უკრაინული მედია იტყობინება.
როგორც სააკაშვილი აცხადებს, ამ გადაწყვეტილებასთან დაკავშირებით სამართლებრივ დავას აპირებს. ამის შესახებ, მან საემიგრაციო სამსახურის შენობასთან ჟურნალისტებს განუცხადა.
„სასამართლოში დღეს ან ხვალ წავალ. როგორც იქნა, ჩვენ მივიღეთ დოკუმენტები პრეზიდენტის ადმინისტრაციისგან და ჩემთვის მოქალაქეობის ჩამორთმევის ფაქტს გავასაჩივრებთ,"- აღნიშნა სააკაშვილმა.
