. პოლონეთის ტრაგიკულად დაღუპული პრეზიდენტის ლეხ კაჩინსკის ტყუპისცალი ძმა იაროსლავ კაჩინსკი სმოლენსკის ტრაგედიაში ქვეყნის ხელისუფლებას ადანაშაულებს. ამის შესახებ ინფორმაციას რუსული სააგენტოები ავრცელებენ.
იაროსლავ კაჩინსკის განცხადებით, სმოლენსკში მომხდა ტრაგედიაზე პასუხისმგებლობა პოლონეთის მთავრობა უნდა აიღოს, რადგანაც ტრაგედიას, რომელსაც 96 ადამიანის სიცოცხლე შეეწირა მინისტრთა კაბინეტის "დანაშაულით" მოხდა, რომლებმაც ქვეყნის პრეზიდენტისთვის ახალი თვითმფრინავის შეძენაზე უარი განაცხადეს.
ამასთან, ლეხ კაჩინსკის ტყუპისცალმა ძმამ პირობა დადო, რომ ყველაფერს გააკეთებს რათა პრეზიდენტის თვითმფრინავის კატასტროფის ნამდვილი მიზეზი დაადგინოს.
აღსანიშნავია, რომ პოლონური მხარე სმოლენსკში ლეხ კაჩინსკის თვითმფრინავის კატასტროფის სხვა ვერსიებთან ერთად აეროდრომის მიმდებარე ტერიტორიაზე ხელოვნური ნისლი არსებობის ვერსიას და პრეზიდენტის თვითმფრინავის საბორტო განყოფილებაზე დისტანციური მართვის გავლენასაც განიხილავს. კატასტროფის ოფიციალურ ვერსიად რუსული მხარე კი ეკიპაჟის შეცდომას ასახელებს.
ამასთან, სმოლენსკში ტრაგიკულად დაღუპულების ახლობლები გარდაცვლილების ეგსგუმაციას ითხოვენ. კერძოდ კი, პოლონეთის პარლამენტის ყოფილი დეპუტატის პშემისლავა გოსევსკოვის ახლობლებმა მისი ცხედრის ეგსგუმაცია მოითხოვეს, რომ დადგინონ რუსეთიდან ნამდვილად მოხდა თუ არა მისი გვამის გადმოსვენება.
აღნიშნულთან დაკავშირებით ნებართვის მისაღებად მათ პოლონეთის სამხედრო პროკურატურას უკვე მიმართეს.
