საქართველოს საგარეო საქმეთა მინისტრ მიხეილ ჯანელიძის განცხადებით, ყიზილაჯლოს ინციდენტზე გამოძიების დასრულებამდე გარკვეული სპეკულაციები და ვერსიებზე საუბარი მიზანშეწონილი არ არის.
მინისტრის თქმით, საარჩევნო პროცესი ყველა სხვა რეგიონში, ქალაქში მიმდინარეობს ძალიან მშვიდ, ღია და თავისუფალ გარემოში.
"მინდა, სწრაფი გამოჯანმრთელება ვუსურვო დაჭრილებს. მათი მკურნალობის პროცესი კონტროლქვეშაა, ჯანდაცვის მინისტრი იმყოფებოდა ორივე საავადმყოფოში. ასევე, მიმდინარეობს აქტიურად გამოძიების პროცესი. შს მინისტრმა გააკეთა უკვე განცხადება, ამიტომ ჩვენ უნდა დაველოდოთ გამოძიების პროცესს და ვიდრე არ გვეცოდინება შედეგები, გარკვეული სპეკულაციებზე და ვერსიებზე საუბარი მიზანშეწონილი არ არის.
საარჩევნო პროცესი კი შეფასებულია საერთაშორისო მონიტორების მიერ და ჩვენ დარწმუნებული ვართ, რომ ხვალ საქართველოს მოქალაქეებს მიეცემათ შესაძლებლობა მშვიდ და სტაბილურ გარემოში მისცენ ხმა და გააკეთონ არჩევანი", - განაცხადა ჯანელიძემ.
