არც ერთი საკითხი, რომელიც შეეხება საკონსტიტუციო რეფორმას ან მიმდინარე პოლიტიკურ დისკუსიას, უშიშროების საბჭოს ფორმატში არც უნდა ყოფილიყო და არც განხილულა, - ამის შესახებ უშიშროების საბჭოს მდივანმა დავით რაქვიაშვილმა უშიშროების საბჭოს სხდომის დასრულების შემდეგ ჟურნალისტებს განუცხადა.
მისი თქმით, იყო ძალიან საინტერესო განხილვა როგორც ნატო-საქართველოს არსებითი პაკეტის, ასევე, საქართველოს თავდაცვის გეგმის საკვანძო საკითხები.
"დღეს უშიშროების საბჭოს სხდომაზე იყო ხუთი საკვანძო საკითხი, იყო ძალიან საინტერესო განხილვა როგორც ნატო-საქართველოს არსებითი პაკეტის, ასევე, საქართველოს თავდაცვის გეგმის საკვანძო საკითხები. არც ერთი საკითხი, რომელიც შეეხება საკონსტიტუციო რეფორმას ან მიმდინარე პოლიტიკურ დისკუსიას, უშიშროების საბჭოს ფორმატში არც უნდა ყოფილიყო და არც განხილულა",- განაცხადა რაქვიაშვილმა, რომელმაც აქვე აღნიშნა, რომ უშიშროების საბჭომ დღევანდელ სხდომაზე ხმათა აბსოლუტური უმრავლესობით მიიღო გადაწყვეტილება შეიარაღებული ძალების რიცხოვნობის შესახებ 2018 წლისთვის, რომელიც არ შეცვლილა და 37 000 დარჩა.
