დავით ნარმანია ოპოზიციას მოუწოდებს, საკრებულოს დეპუტატებს მუშაობის საშუალება მისცენ და დასძინა, რომ ოპოზიციას არ აქვს რაიმე კონკრეტული არგუმენტი, რატომ არ უნდა გაკეთდეს ქალაქში მიწისქვეშა სადგომი.
"ოპოზიცია ძალიან არასასურველად იქცევა, მესმის, რომ წინასაარჩევნო კამპანიაა და მესმის, რომ გარკვეული ხმები სჭირდებათ, თუმცა მათი ასეთი ქცევით არამგონია მათ ხმებს თუნდაც დამატებით ერთი მაინც მიემატოს.
მე ვერ მოვისმინე, სამწუხაროდ, რაიმე კონკრეტული არგუმენტი, რატომ არ უნდა გაკეთდეს ქალაქში მიწისქვეშა მრავალსართულიანი სადგომი. მათ მოვუწოდებ, რომ შეეშვან ასეთ ქცევას და ქმედებას და მისცენ საკრებულოს მუშაობის საშუალება", - აცხადებს ნარმანია.
შეგახსენებთ, „ნაციონალური მოძრაობისა“ და „ევროპული საქართველოს“ წევრებმა საკრებულოს სხდომის გადადება მოითხოვეს, რასაც დაძაბულობა მოჰყვა.
ევროპული საქართველოს მერობის კანდიდატი ელენე ხოშტარია სხდომიდან სამართალდამცავებმა გაიყვანეს.