"ევროპული საქართველოს" წევრის, სერგი კაპანაძის განცხადებით, საკონსტიტუციო ცვლილებებთან დაკავშირებით, უმრავლესობას მხარს არავინ უჭერს.
მისივე თქმით, იმის განცხადება, რომ ალტერნატიული პროექტი იქმნება სითავხედეა.
„საკონსტიტუციო პროცესმა ერთი რამე გვაჩვენა, რომ თქვენ მარტო ხართ, ამაში მხარს არავინ გიჭერთ. მარტო პრეზიდენტი და ოპოზიციური ძალები კი არა, საერთოდ არავინ, არცერთი არასამთავრობო ორგანიზაცია მხარს არ გიჭერთ. არასამთავრობოებთან დაკავშირებით კარგად აჩვენეთ დამოკიდებულება „კაპიტან გიგაურზე“, რომ საუბრობთ. ახლა იმის პოლიტიკური სითავხედე გყოფნით, რომ პროტესტი განაცხადოთ და თქვათ, რომ როგორ თურმე, ალტერნატიული პროექტი იქმნება. ეს იმიტომ ხდება, რომ თქვენ თავიდანვე პროცესი ისე წარმართეთ, რომ აზრის გათვალისწინება არ გინდოდათ. კონსტიტუციასთან დაკავშირებით აქ გაკეთებული განცხადება პოლიტიკური სითავხედის მაგალითი იყო“, - განაცხადა კაპანაძემ.
