პოლონელი მესაზღვრისგან ჩვენ მივიღეთ დოკუმენტი, რომ კანონისა და საზღვრის დარღვევა ჩვენი მხრიდან არ მომხდარა, - ამის შესახებ საქართველოს ყოფილმა პრეზიდენტმა მიხეილ სააკაშვილმა ლვოვში ჟურნალისტებს განუცხადა.
მისი თქმით, პოლონელებს სიცრუე არაფერში სჭირდებათ.
„ორი დღის წინ პოლონელი მესაზღვისგან ჩვენ მივიღეთ დოკუმენტი იმასთან დაკავშირებით, რომ კანონისა და საზღვრის დარღვევა ჩვენი მხრიდან არ მომხდარა. ჩვენ კანონიერად გამოვიარეთ პოლონეთის საზღვარი. ახლა ესენი გვიმტკიცებენ, რომ მე დავარღვიე სახელმწიფო საზღვარი. ვინ იტყუება?! პოლონელებს არაფერში სჭირდებათ სიცრუე. შევხედავთ რა იქნება, მთავარია, რომ არაფერი დამირღვევია“, - განაცხადა სააკაშვილმა.
ცნობისთვის, ლვოვში, საზღვრის უკანონოდ კვეთის საქმეზე პროცესი მიმდინარეობს.
