ხვალ, 11:30 საათზე, თბილისის საქალაქო სასამართლოში, მერიის ყოფილი მაღალჩინოსნის, ოთარ აბესაძის საქმის არსებითი განხილვა დაიწყება.
„ხვალინდელ პროცესზე საქმის არსებითი განხილვა იწყება, მხარეები შესავალ სიტყვებს წარმოვთქვამთ. იმ შემთხვევაში, თუ პროკურორს მოწმეები ეყოლება, დაიკითხებიან“, - განუცხადა „ჯი-ეიჩ-ენ-ს“ ოთარ აბესაძის ადვოკატმა, ლილი გელაშვილმა.
მისივე განცხადებით, აბესაძის ჯანმრთელობის მდგომარეობა, არადამაკმაყოფილებელია.
„აბესაძის ჯანმრთელობის მდგომარეობა სტაბილურად არადამაკმაყოფილებელია, ფსიქოლოგიურ მდგომარეობას ვგულისხმობ. თუ მას ჯანმრთელობის მდგომარეობამ ხელი შეუწყო, ხვალინდელ პროცესს აუცილებლად დაესწერება, რადგან პროცესებში მონაწილეობის მიღება სურს“, - აღნიშნა გელაშილმა.
შეგახსენებთ, რომ ოთარ აბესაძე ქრთამის აღების ფაქტზე საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა მიმდინარე წლის 11 ივლისს დააკავეს.
