"აჭარის განათლების, კულტურისა და სპორტის სამინისტრო კატეგორიულად ეწინააღმდეგება მოსწავლეების პოლიტიკურ აგიტაციაში ჩართვას", - ამის შესახებ აჭარის განათლების მინისტრმა ინგა შამილიშვილმა განაცხადა.
მისივე თქმით, აღნიშნული საკითხი განსახილველად და რეაგირებისთვის გადაეცა სკოლის დისციპლინურ კომიტეტს და კონკრეტულ სანქციებზე თავად სკოლა იმსჯელებს.
„აჭარის განათლების, კულტურისა და სპორტის სამინისტრო კატეგორიულად ეწინააღმდეგება მოსწავლეების პოლიტიკურ აგიტაციაში ჩართვას, რაც არღვევს ზოგადი განათლების შესახებ კანონს. ამ პერიოდისთვის სკოლის დირექციის მიერ მოხდა ფაქტზე რეაგირება და აღნიშნული საკითხი განსახილველად და რეაგირებისთვის გადაეცა სკოლის დისციპლინურ კომიტეტს“, - განაცხადა აჭარის განათლების მინისტრმა ინგა შამილიშვილმა
შეგახსენებთ, რომ შუახევის მუნიციპალიტეტის სოფელ სხეფის პედაგოგმა სოციალურ ქსელში გამოაქვეყნა ფოტო, რომელშიც პირველკლასელებს „ქართული ოცნების“ დროშები უჭირავთ.
პედაგოგის განცხადებით დროშები სკოლაში თავად ბავშვებმა მიიტანეს.