პარლამენტის გარემოს დაცვის კომიტეტის თავმჯდომარის, კახა კუჭავას განცხადებით, გარემოს დაცვის სამინისტრო და შესაბამისი სამსახურები ზარალს ხანძრების სრული ლიკვიდირების შემდეგ დაითვლიან.
მისივე განმარტებით, ტყის აღდგენის შესახებ ზუსტი ინფორმაცია ცნობილი გაზაფხულზე, ნიადაგის შემოწმების შემდეგ გახდება.
"სამწუხაროდ, ჯერ ისევ იმ რეჟიმში ვართ, რომ ქვეყნის სხვადასხვა ადგილას ხანძარს ვებრძვით, მნიშვნელოვანია, დავასრულოთ ის სამუშაოები, რომელიც უკავშირდება ხანძრის სრულ ლიკვიდაციას და მხოლოდ ამის შემდეგ დაიწყებს სამინისტრო და შესაბამისი უწყებები იმის დათვლას, თუ რა ზარალზეა საუბარი. პირველი, 2008 წლის დიდი ხანძრის შემდეგ ჩატარდა შესაბამისი სამუშაოები და შესაძლებელი გახდა ტყის აღდგენა. იმედს ვიტოვებთ, რომ ტყის ხელმეორედ გაშენება შესაძლებელი იქნება. რა თქმა უდნა, ეს დამოკიდებულია გაზაფხულზე, ბალახის პირველი ამოსვლის შემდეგ ნიადაგის შემოწმებაზე, ამის შემდეგ გვქნება დაზუსტებული ინფორმაცია", - განაცხადა კახა კუჭავამ.
