კოლუმბიელ და ჩილელ სენატორთა ჯგუფმა ვენესუელის პრეზიდენტის წინააღმდეგ სარჩელი ჰააგის საერთაშორისო სასამართლოში შეიტანა. ნიკოლას მადუროს თანამემამულეების წამებასა და მოსახლეობის მიმართ სეგრეგაციაში ადანაშაულებენ. 56 გვერდიან დოკუმენტში მადუროს დანაშაულებრივ ქმედებებზეა საუბარი. მასობრივი საპროტესტო აქციები ვენესუელაში აპრილში დაიწყო, მას შემდეგ, რაც პრეზიდენტმა პარლამენტს უფლებამოსილება შეუზღუდა. შეტაკებებს კარაკასსა და ქვეყნის დიდ ქალაქებში ათობით ადამიანი ემსხვერპლა.
