ბრიტანეთის დედოფლის მეუღლე შეუძლოდაა. 96 წლის ედინბურგის ჰერცოგი ფილიპი საავადმყოფოში ინფექციით მოხვდა. ამჟამად მისი მდგომარეობა სტაბილურია. მეუღლის ავადმყოფობის გამო ელიზაბეტ მეორეს პარლამენტის გახსნის ოფიციალურ ცერემონიალზე მისვლა შვილთან, პრინც ჩარლზთან ერთად მოუხდა. საკანონმდებლო ორგანოში დედოფალი სიტყვითაც გამოვიდა და მომავალი 2 წლის განმავლობაში მთავრობის მუშაობის მთავარ პრიორიტეტებზე ისაუბრა.
