საფრანგეთის საპარლამენტო არჩევნების შემდეგ, კანონმდებლობის შესაბამისად, მოქმედ მთავრობას უფლებამოსილება შეუწყდა. ემანუელ მაკრონმა მინისტრთა კაბინეტი დასამტკიცებლად პარლამენტს ხელახლა უნდა წარუდგინოს. მაკრონის მთავრობას თავდაცვისა და იუსტიციის მინისტრები დატოვებენ. გუშინ თავდაცვის მინისტრმა სილვია პრეზიდენტს სთხოვა, მისი კანდიდატურა პოსტზე აღარ წარადგინოს, დღეს კი ანალოგიური მოთხოვნით მაკრონს იუსტიციის მინისტრმა ფრანსუა ბაირუმაც მიმართა. მინისტრების გადაწყვეტილება საფრანგეთში მიმდინარე გამოძიებას უკავშირდება, რომელიც "დემოკრატიული მოძრაობის" წევრების ევროპარლამენტში ფიქტიურ დასაქმებას შეეხება. ორივე მინისტრი "დემოკრატიული მოძრაობის" წევრია.
