ვაშინგტონის მიერ მოსკოვისთვის დაწესებულ ახალ სანქციებს რუსეთის საგარეო საქმეთა მინისტრი გამოეხმაურა. საგანგებო განცხადება სერგეი ლავროვმა ფრანგ კოლეგა ჟან ივ დრიანთან შეხვედრის შემდეგ გამართულ პრესკონფერენციაზე გააკეთა.
„რუსოფობია ყოველგვარ ზღვარს სცდება. ახალი სანქციების პაკეტი რუსულ-ამერიკულ ურთიერთობას კიდევ უფრო დაძაბავს,“-აღნიშნა რუსეთის პირველმა დიპლომატმა.
ვაშინგტონმა სანქციები რუსეთს დღეს დილით გაუმკაცრა. სანქციათა ახალ პაკეტში 38 ახალი პუნქტი, 19 ახალი გვარი და 19 ახალი ორგანიზაცია შევიდა, რომლებიც უკრაინის მოვლენებთან არიან კავშირში.
