საერთაშორისო კოალიცია სირიული თვითმფრინავის ჩამოგდების ფაქტს ადასტურებს. სუ-22 ტიპის ავიაგამანადგურებელი რაქას რაიონში გვიან ღამით ჩამოაგდეს. როგორც კოალიციის სამეთაურო შტაბი იტყობინება, თვითმფრინავი სირიის დემოკრატიული ძალების პოზიციებს ბომბავდა, რომელიც ისლამისტებისგან რაქას გასათავისუფლებლად იბრძვის. ქურთული რაზმებით დაკომპლექტებულ სირიის დემოკრატიულ ძალებს იარაღითა და საბრძოლო მასალებით შეერთებული შტატები ამარაგებს.
